呢兩日都有好多巴打PM 我同我講有關之前我介紹過嘅一間Game鋪頭發生嘅欺詐事件，都見愈來愈多巴打問，我唔逐一回覆喇，反正都唔係D 咩唔見得光嘅事。
首先，苦主行列，我都有份，不過金額就唔係多。
呢件事入面我都有錯，因為我見到係黃店我就推，見到人地幫我寫過稿我就100%無條件去信，仲可能令到部份巴打今次被捲入被欺詐事件，我都喺度同大家先講一句對唔住，我當時本住「見黃店就係自己人」，「自己人告急就幫手」去Share Post。
今次事件令我明白到，就算所謂同路人都一樣會插自己友，感謝每一位巴打提醒，亦感謝大家同我講發生左呢件事，唔駛到其他苦主燒埋我，我先做回應。
巴打話已經唔同苦主都已經聯合商討對策，如果你不幸喺 Game Festa 訂左主機，或者你都去聯一聯絡佢地比較好。
最後再次為大家帶來不便又或者損失而道歉，今後我定會在任何「幫助同路人」之前更加謹慎，但亦希望大家唔好因為咁而唔再相信「香港人」，共勉。
Search